Бугарската амбасада го поддржа турнирот „Дипломати за деца“ со најголема донација

Екипата на Бугарската амбасада во Белград учествуваше на традиционалниот дипломатски хуманитарен фудбалски турнир „Дипломати за деца“ (Diplomats for Children), во организација на Амбасадата на Словачка во Србија.

Бугарскиот тим турнирот го започна со убедлива победа од 8:1 против екипата на Делегацијата на Европската Унија. Во продолжението следуваа два неизвесни натпревари против репрезентациите на Полска и Финска, во кои, и покрај добрата игра, бугарската екипа не успеа да стигне до победа.

Сепак, во фокусот на турнирот не беше само спортскиот резултат, туку и тимскиот дух, дружењето и хуманитарната кауза посветена на децата.

Бугарската екипа привлече особено внимание и со поддршката што ја даде за хуманитарната акција. Како што истакнаа организаторите, бугарските претставници имале најбројна навивачка група, а воедно дале и најголем прилог, кој бил повеќекратно поголем од донациите на останатите учесници.

На турнирот имало и томбола, на која среќата му се насмевнала на голманот на бугарската екипа, Георги Филипов. Тој освоил дрес со автограмите на репрезентацијата на Србија во кошарка.

Од Бугарската амбасада им се заблагодарија на сите членови на екипата за одличната игра, енергијата и спортскиот дух, како и на сите колеги во амбасадата за нивната поддршка и великодушност.

„Кога станува збор за децата и добрата кауза, Бугарија е вистински тим“, порачаа од Бугарската амбасада.