Бугарски богатства ќе бидат изложени во музејот „Филд“ во Чикаго
Бугарски богатства ќе бидат изложени во природонаучниот музеј „Филд“ во Чикаго во рамките на изложбата „Првите владетели на Европа“. Изложбата ќе биде отворена на 31 март, објави Бугарско-американското културно здружение на својата Фејсбук страница.
На изложбата ќе бидат покажани експонати од Бугарија, Албанија, Босна и Херцеговина, Косово, Романија, Северна Македонија, Србија, Унгарија, Хрватска и Црна Гора. Експонатите за прв пат ќе бидат изложени надвор од земјите каде што се откриени.
Бугарија ќе биде претставена со експонати од Националниот историски музеј, Регионалниот историски музеј од Русе и Регионалниот историски музеј од Варна.
Како што напиша БТА – во минатогодишното издание на изложбата, нашата земја го испрати поголемиот дел од богатството од могилата Маломирово-Златиница во јужна Бугарија, вклучително златен венец, златен прстен, штитник за колена и сад за пиење.
Преку Океанот замина и Боровското богатство кое е изложено во НИМ, но е сопственост на музејот во Русе.
Мисијата на Бугарско-американското културно здружение е да ги проучува, зачувува и промовира бугарската култура и уметност во сите нивни форми. Организацијата спроведува обуки за уметности, презентирање и споделување на информации. Визијата на здружението е да ја збогати бугарската заедница преку уметностите. Учествува на различни настани градејќи силни регионални партнерства и соработка со други заедници.
