Бугарскиот премиер Радев по средбата со Руте: НАТО ја следи состојбата и е подготвен да им помогне на Бугарија и Романија

НАТО ја следи состојбата во Црното Море и е подготвен да им помогне на Бугарија и Романија да ги зајакнат капацитетите за противдејство на дронови и за поморски надзор по последните напади врз трговски бродови, објави бугарскиот премиер Румен Радев на социјалната мрежа Икс, пренесува БТВ.

Објавата следува по денешната средба во Брисел на Радев со генералниот секретар на НАТО, Марк Руте, и со романскиот претседател Никушор Дан.

Радев му се заблагодари на Руте за јасната порака дека „безбедноста во Црното Море е безбедност на источното крило“.

„Бугарија повикува на заеднички напори за безбедноста на пловидбата во Црното Море“, напиша Радев.

Thank you @SecGenNATO for the clear signal: Black Sea security is Eastern Flank security. NATO monitors closely the situation and stands ready to help 🇧🇬🇷🇴 strengthen anti-drone capabilities and maritime monitoring after recent attacks on merchant ships. Bulgaria calls for collective efforts towards safe navigation in Black Sea.— Rumen Radev (@RumenRadevPM) October 15, 2026