Бугарското ВМРО БНД со протести против кревање на ветото за Северна Македонија

/

Бугарската партија ВМРО на поранешниот министер за одбрана Красимир Каракачанов денеска во Кресна одржа демонстрации против евентуалното паѓање на бугарското вето за отпочнување на преговорите за влез на Северна Македонија во ЕУ. Протестот беше насловен „Не ја изневерувајте Македонија“. Точно на пладне тие го блокирале сообраќајот низ Кресненската клисура.

„Од 4 мај одржуваме различни акции за да покажеме дека владата не е надлежна за нашите односи со Северна Македонија. Историската вистина е на наша страна“, изјави еден од демонстрантите Владимир Митов за Нова.

Почетокот на преговорите на Македонија со ЕУ е блокиран од страна на Бугарија, која стави вето поради прашања поврзани со историјата и јазикот на земјава. Во последно време се погласни се повиците од источниот сосед за ставање на Бугарите во македонскиот Устав како услов за решавање на спорот.



Извор: Zoom. mk



Претходна статија

Арсовска го назначила Велковски за секретар на Град Скопје, иако е советник во Општина Чаир

Следна статија

Владата го „скрои“ ребалансот на буџетот, ова се новите мерки и проекции

Најново од Вести