Цените на пченката и пченицата паѓаат, на сојата растат

Како и досега, пазарот на житарки беше вознемирен од најновиот извештај на USDA, кој донесе неочекуван пад на производството на пченка и соја во САД. По објавувањето на податоците, цената на пченката порасна во САД, но не и во Европа, пренесува Агрархеуте. За сојата, цените го имаат истиот тренд и последователно предизвикаа раст на цената на маслодајната репка.

USDA наведува дека залихите на пченка и соја во САД ќе паднат на повеќегодишни најниски нивоа, бидејќи топлото и суво августовско време во западните региони сериозно влијаеше на приносите за двете култури.

Првиот договор за пченица за декември 2022 година во Чикаго падна на 309,75 евра/тон по објавувањето, додека пролетната пченица, со висока содржина на протеини одгледувани на северот на САД и Канада, се продаваше за 342,96 евра/тон.

Цените на пченката се искачија на највисоко ниво од крајот на јуни и изнесуваа 271,67 евра/тон, додека цената на сојата се искачи на 540,61 евра/тон. Во Канада, цената на маслодајната репка се искачи на 789,73 долари/тон.

Во Европа на парискиот MATIF ценовната вредност на пченицата за договорот за декември падна на 335,50 евра/т, а на пченката во ноември 327,50 евра/т. Цените на семето од репка се зголемија на 605 евра/т.

Движењето на вредностите на пазарите за житарки е под силно влијание на податоците од САД, каде што се очекува залихите на пченка и соја да паднат на повеќегодишните најниски нивоа. Тоа е резултат на сувото и топло време и намалените приноси.