Д-р Милен Врабевски доби почесна плакета „Современ будител“ во Благоевград

//

Бугарскиот бизнисмен и филантроп д-р Милен Врабевски ја доби почесната плакета ,,Современ будител” заради неговиот долгогодишен придонес кон развојот на професионалната гимназија за туризам и лесна индустрија ,,Гоце Делчев ” во Благоевград и неговиот целосен придонес кон бугарското образование.

Наградувањето на д-р Милен Врабевски е дел од чествувањата по повод Денот на народните будители, а самата награда му беше врачена од директорката на училиштето г-ѓа Димитрина Иванова. Таа изрази благодарност кон бугарскиот бизнисмен, филантроп и мецена а исто така и кон фондацијата ,, Бугарска меморија” за помошта што тие ја даваат и ја давале за училиштето низ годините.

Во 2018 година д-р Врабевски и неговата фондација го опремиле првиот компјутерски кабинет во гимназијата, со 26 компјутери, 6 лаптопи, неколку принтери и подариле голем број примероци од училишното помагало по историја ,, Мојата Бугарија “, создадено по идеја на д-р Врабевски и реализирано од едни од најавторитетните бугарски историчари.

,,Секогаш ќе има луѓе што ќе бидат против нашиот стремеж кон непрекинат развој, но нашата надеж е во вас мили деца, бидејќи во вашите погледи ја гледам онаа длабочина која понатаму ќе ја роди правилната насока кон која сите се стремиме. Таа насока на развој и непрекинато додавање вредност кон општеството и неговиот прогрес е карактерна за целата ЕУ и ние треба да бидеме пример во тој однос. Сакам да ѝ се заблагодарам на г-ѓа Иванова за нашите заеднички иницијативи и се надевам дека повторно ќе се видиме на Воениот меморијал во Ново Село РС Македонија, каде на 5 ноември ќе го одбележиме заедно со нашите браќа од таму, денот Голема задушница во знак на почит кон војниците што загинале во борбите за национално обединување”, изјави пред учениците д-р Врабевски по добивањето на плакетата.

На настанот како специјални гости присуствуваа и директори на училишта од главниот град на РС Македонија Скопје.




,,Сакам да ги поканам од мое име и од името на г-ѓа Иванова, нашите пријатели директорите на неколку училишта од Скопје. Добре дојдовте пријатели, можете да започнете заедничка работа со нас, за да видите дека имаме добри намери и за да учествуваме заедно во кариерниот развој на децата од двете страни на границата”, изјави д-р Врабевски.

За време на својата посета првиот човек на фондацијата ,,Бугарска меморија” го посети кабинетот по информатика што го опремил самиот тој, училишната библиотека, образовните заболекарски кабинет и фризерски салон, салата за графички маркетинг и ресторанот на училиштето каде што учениците од струката „Готварство“ имаа подготвено различни деликатесни јадења за своите гости.



Претходна статија

Повеќе од 20 илјади граѓани се вакцинирале против сезонски грип

Следна статија

Кривична пријава за наставник од Македонски Брод за насилство врз ученици

Најново од Вести