СДСМ: МАКЕДОНИЈА 30-ТА ЧЛЕНКА НА НАТО, 20 ЗЕМЈИ-ЧЛЕНКИ ГО РАТИФИКУВАА ПРОТОКОЛОТ ЗА ПРИСТАПУВАЊЕ

Откако вчера парламентите на Турција и Чешка го ратификуваа Протоколот за пристапување на Република Северна Македонија во најмоќниот воен сојуз, вкупно 20 држави-членки го потврдија нашето членство во НАТО.

Реформите, храброста и одлучноста на Владата предводена од СДСМ и премиерот Зоран Заев од нашата земја направија блескав пример во регионот.

Со соседите изградивме пријателство, дома, растат платите и пензиите, секој е важен, се отвораат нови работни места, се гради фер општество за сите и се обезбедува повисок животен стандард.

Се остварува децениски национален, стратешки и државен интерес на многу генерации.

Приклучувањето во НАТО покрај безбедноста и сигурноста, носи и економски придобивки, повеќе странски инвестиции, нови работни места, повисоки плати и повисок животен стандард, се вели во соопштението на политичката партија СДСМ.