„Ден на Бугарија“ беше организиран во град Викторија, провинција Британска Колумбија, Канада

„Ден на Бугарија“ беше организиран во град Викторија, провинција Британска Колумбија, Канада. За ова информира Генералното конзулство на Бугарија во Торонто преку објава на својата официјална страница на Фејсбук, јавува БТА.

Според објавата, „Денот на Бугарија“ бил организиран од бугарската заедница во Викторија, Бугаро-канадското друштво во Британска Колумбија и Генералното конзулство на Бугарија во Торонто.

„Бугарска народна музика и танци ја исполнија зградата на општината во градот Викторија. Настанот, посветен на градот Пловдив — вториот по големина град во Бугарија и најстариот континуирано населен град во Европа — привлече бројна публика од пријатели на Бугарија, кои живеат на илјадници километри од својата татковина“, наведуваат од бугарското конзулство.

Во програмата учествуваа бугарскиот фолклорен ансамбл „Бела роза“ од Викторија и ансамблот „Китка“ од Ванкувер.

„Гостите уживаа и во изложба што ја претстави историјата на бугарската кирилица. Публиката со задоволство танцуваше бугарски народни танци и дегустираше традиционални бугарски јадења“, додаваат од тимот на бугарското конзулство во Торонто.