ДО 100 ЕВРА ИМ Е ДОЈДЕНО

Ги разнесуваме пакетите храна утрово, и одиме за прв пат кај една женичка, за која чувме дека е во потреба. Женичката инвалид, едвај стои на штаките, ме пречека на вратата, и само што и се претставив, кога го виде пакетот, очите и се наполнија со солзи… Благодарна, преблагодарна.

loading...

Комшиката до неа, малку позборлива од неа, ми кажува за ситуацијата. Женичкава веќе месец дена седи дома без струја, со три јоргани не може да се стопли, со ладна вода се мие, и нема ни што да зготви, ни на што да зготви. Ја прашувам за колку сметки и е исклучена струјата, ми кажува пет. Веднаш помислувам, којзнае за колкава сума се работи. Срам, несрам, ја прашав. Ми кажува – 6.000 денари. Колку?! 6.000 денари, пет сметки по 1.200 денари!

Ете, до 100 евра им е дојдено, и на држава, и на компании! Жена, инвалид, со не повеќе од 5.000 денари примања, оставена сама, да мрзне и да гладува, зашто без тие 100 евра државата и компанијата ќе пропаднат. Нејќам ни да почнувам за тоа како некои луѓе и фирми со години и со неплатени милиони сè уште имаат струја, ама, пак ќе речам, до овие 100 евра е дојдено.

За жал, толку ниско сме паднати во моја Македонија, што солзи капат за пакет храна, и за 100 евра за сметки… Тежат тие солзи, и на некого ќе натежнат, тоа знам. Туку, му благодарам на Бога што имам благословени браќа и сестри во црквата, па до утре ќе и бидат платени сметките на оваа женичка, и после горчината утрово, ќе дојде и блажина, и за мене, и за неа. Оставени сме сами на себе, повеќе од јасно е тоа, но, ете, и не сме заборавени од Господ, па во тој парадокс е сето наше христијанско живеење…



loading...

Facebook статус на пастор Филип Иванов

ДО 100 ЕВРА ИМ Е ДОЈДЕНО Ги разнесуваме пакетите храна утрово, и одиме за прв пат кај една женичка, за која чувме дека…

Posted by Filip Ivanov on Понеделник, 30 ноември 2020