Еди Рама: Патеките со РСМ ни се разделија природно

Албанија и Северна Македонија не треба да се сметаат како пакет на нивниот пат кон ЕУ, коментира албанскиот премиер за БНТ.
Има промена на тонот кон Бугарија на албанскиот премиер Еди Рама само неколку месеци по неговите критички коментари поврзани со позицијата на Бугарија кон Скопје. Според него, Албанија и Северна Македонија не треба да се сметаат како пакет на нивниот пат кон ЕУ. Рама даде специјално интервју за БНТ во Тирана, во кое високо ги оцени односите со Бугарија.

„Се разбира, не заборавив дека имавме момент на расправија. Но, ова беше многу специфичен случај во многу специфичен момент. Тоа немаше никаква врска со корените, со длабочината на нашите односи“, му рече тој на Бојко Василев.

Запрашан дали повеќе би сакале да бидат оценети според сопствените заслуги и да не бидат врзани за Северна Македонија на патот кон ЕУ или, пак, би сакале да одат како пакет, Еди Рама одговори: „Во тоа време, како што се сеќавате, она што беше поделеното не беше опција. Затоа што не одлучувавме ние, туку Европскиот совет. Тоа ја направи нашата ситуација прилично загрижувачка, а нашата позиција доста отежната. Денес мислам дека нашите патишта природно се разделија. Затоа што од моментот кога една земја ги започнува пристапните преговори, нејзиниот пат зависи од нејзините заслуги, не од политиката или геополитиката. Барем, така е на книга. Па, знаеме дека понекогаш – и сè повеќе – она ​​што е напишано во книгата не се случува во реалноста. Но, јас не гледам причина повеќе да бидеме заедно. Секој си има свој начин“.