ЕК одобри средства за Бугарија како поддршка за проширувањето на складиштето за гас во Чирен

Европската комисија одобри 16 милиони евра средства за Бугарија како поддршка за проширувањето на складиштето за природен гас во Чирен од страна на „Булгартрансгаз“.

Одлуката е донесена според рамката на ЕУ за државна помош. „Булгартрансгаз“ одлучи да инвестира околу 285 милиони евра за проширување на капацитетот на складиштето, кое е единствено во земјата за складирање на природен гас. Се очекува неговиот капацитет да порасне од 550 милиони на 1 милијарда кубни метри, се вели во соопштението на Комисијата. Се нагласува дека ќе се зголемат и можностите за вметнување и вадење на синото гориво.

Бугарија ја извести Комисијата за своите планови да ги поддржи инвестициите на „Булгартрансгаз“ во рок од 9 години со заем за јавна гаранција од 16 милиони евра. Целта е да се обезбеди сигурност во снабдувањето со гас, да се поддржи конкуренцијата на пазарот на гас, исто така преку поголема интеграција на централата во мрежата и да се промовира трговијата со гас во регионот.

Комисијата нагласува дека проширувањето на складиштето е проект од општ интерес.