| |

Ерик Клептон ќе го одржи својот прв концерт во Бугарија на 7 мај 2027 година

Ерик Клептон ќе настапи за првпат во Бугарија на 7 мај 2027 година во „Арена 8888“ во Софија, по покана на Fest Team, објави Actualno.com. Концертот е дел од неговата европска турнеја за 2027 година.

Претпродажбата на билетите за членовите на фан-клубот на музичарот почнува на 18 ноември во 11 часот, а за членовите на Fest Club на 19 ноември во 12 часот. Редовната продажба ќе започне на 20 ноември во 12 часот преку ticketstation.bg, со цени од 99 евра.

Ќе бидат достапни и официјални ВИП-пакети, кои вклучуваат места од највисоката категорија, пристап до ВИП-салон или ран влез за посетителите со билети за стоење, како и специјален подарок и ВИП-пропусница. Нивната продажба почнува на 18 ноември, заедно со претпродажбата за фан-клубот.

Во кариерата долга повеќе од шест децении, Клептон досега не настапувал на бугарска сцена. Тој е единствениот музичар примен трипати во Куќата на славните на рокенролот – како член на The Yardbirds и Cream и како соло-изведувач. Добитник е на 17 награди „Греми“, а меѓу неговите најпознати песни се „Layla“, „Wonderful Tonight“ и „Tears in Heaven“.

Слични Објави