ГДУ-ОХРИД ДО ГРАДОНАЧАЛНИКОТ ГЕОРГИЕВСКИ: ДОСТА Е СО ПИКНИЦИ ВРЕМЕ Е ДА ПОРАБОТИТЕ МАЛКУ

//

„Преукопираноста на локалната самоуправа и градоначалникот со дивоградбите и УНЕСКО, им остава простор во јавноста дополнително да ги занемаруваат проблемите на охриѓани.

Имено СДСМ кога ја доби локалната власт во Охрид, еден од приоритетите беше санацијата на улицата „Абас Емин“, која ако не се лажеме им беше ветување и на претходните. Така навршува и третата година од тоа ветување, а истото е возобновено од актуелниот градоначалник. Чинам се навикнавме на неговите најфамозни изреки, ЌЕ БИДЕ! и ДПМНЕ Е КРИВО!

До кога ли ќе слушаме кој е крив? До кога ли ќе се обвинуваат меѓусебно? Доста не труевте со докажувањето кој е подобар, а кој полош. Aко некој работел во Охрид тоа ќе се покажеше и немаше да тапкаме во место 28 години. Искрено се надеваме дека ќе бидете поразлични, но времето покажува во другата насока, а таа ви е добро позната.



Ја спомнуваме улицата „Абас Емин“ но не би требало само таа да се спомнува, бидејќи поголемиот дел на улиците во градот не се ништо поразлични. Каде се катните гаражи? До каде е одобрението за стационарот? До каде се новите сали? Зарем и после 3 години немате одговор на овие прашања? Уште колку време ви треба за да го исполните ветеното?

Во име на ГДУ и во име на нашите сограѓани само ќе ве потсетиме дека вие не ги реконструирате и обновувате улиците со ваши пари и пари на вашата матична партија, туку наши пари за кои ние плаќаме даноци. Откако сте градоначалник имавте 10-тици патувања, 30-40 ручеци и пикници, 20-тина коктели и журки и редно време е да се посветите на ветената програма и малку да поработите“, изјави Симеон Стојановски од ГДУ-Охрид.

Претходна статија

ПАМЕТНИОТ ОД ОНА КОЕ СЕ СРАМИ, БУДАЛИОТ СЕ ГОРДЕЕ

Следна статија

БУГАРИЈА ДАВА ПОДДРШКА ЗА МАКЕДОНИЈА, НО СО ЦЕЛОСНО СПРОВЕДУВАЊЕ НА ДОГОВОРОТ ЗА ДОБРОСОСЕДСТВО

Најново од Вести