Фолклорната група „Роса Атланта“ го претстави бугарскиот фолклор на меѓународниот фестивал Atlanta Dogwood

Бугарската фолклорна формација „Роса Атланта“ учествуваше на меѓународниот фестивал Atlanta Dogwood, кој се одржа во паркот „Пиемонт“ во Атланта (САД) од 10 до 12 април, јавува БНР. Во фестивалот учествувале стотици изведувачи, кои ги претставиле заедниците, населени во Атланта.

„Роса Атланта“ имаше чест да настапи на главната сцена и да ја сподели убавината и енергијата на бугарскиот фолклор со прекрасна публика. Дури и во рамките на нашето кратко учество, ја почувствувавме топлината, ентузијазмот и поддршката од сите што застанаа да нè гледаат, да аплаудираат и да слават заедно со нас. Исклучително сме горди што го претставуваме нашето наследство преку музика, носии и танц, и што сме дел од толку разновиден и инспиративен фестивал. Им благодариме на организаторите и на сите што нè поддржаа — тоа многу ни значи!“, споделија од формацијата на социјалната мрежа Фејсбук.