Габриел: Бугарија категорично ја осудува терористичката организација „Хамас“

Поддршката за Украина е поддршка за нашата безбедност. Сите ја следиме ситуацијата во Израел во последните денови. Бугарија категорично ја осудува терористичката организација „Хамас“. Сега мораме да ја следиме хуманитарната ситуација и ризиците на глобално ниво. Ова го изјави вицепремиерката и министерка за надворешни работи на Бугарија, Марија Габриел, јавува БГНЕС.

Габриел истакна дека, во оваа фаза, Бугарија не е земјата каде што ќе оди мигрантскиот бран од Блискиот Исток. „Во постојан контакт сме со амбасадите низ регионот“, нагласи таа.

За Габриел, важно е Бугарија да продолжи да биде сигурен и доверлив партнер на сојузниците.

Според неа, од првиот ден на секоја криза што се случува, имаат совршена комуникација и координација со премиерот академик Николај Денков. „Верувам дека бидејќи го имаме овој добар дијалог и јасна визија, затоа се добива оваа координација“, посочи таа.

Шефицата на бугарската дипломатија додаде дека внимателно ќе ги следи претседателските избори во САД и нема да брза со заклучоците. Габриел оцени дека бизнисот е активен, активно бара јавни институции кои треба да бидат проактивни, да даваат информации од самиот почеток.

„Факт е дека треба да има комуникациска кампања во однос на еврото, да ги смириме стравовите на луѓето“, рече таа, додавајќи дека треба да се направат напори тоа да им се објасни на граѓаните на пристапен начин.