Габриел: Ја следиме ситуацијата со блокираните Бугари во Грција

За ситуацијата во Грција и Бугарите кои се таму, ние сме во постојан контакт со нашиот генерален конзул, кој од неговиот кабинет секој час ме информира каква е ситуацијата. Знаеме дека е тешко, знаеме дека има блокирани патишта. Од самиот почеток се погриживме Бугарите, кои се во ваква тешка ситуација, да го имаат тоа што им треба – без разлика дали е храна, вода, лекови. Ситуацијата ја следиме од час во час. Соработуваме со грчките власти да стигнат до местото каде што се Бугарите и тие да бидат транспортирани во Бугарија, ние сме подготвени за тоа.

Ова го изјави вицепремиерката и министерка за надворешни работи на Бугарија, Марија Габриел, јавува БГНЕС.

„Имам информации за околу 30 Бугари во регионот на Волос. Јас лично разговарав со еден од нив вчера доцна навечер. Она што го имаме како гаранција во оваа фаза е дека нема потреба од дополнителна храна или вода, но факт е дека бидејќи тие продолжуваат да се блокирани четврти ден мора да бидеме подготвени да реагираме“, објасни Габриел. Таа потсети дека во оваа ситуација грчките власти се тие кои имаат средства што побрзо и помобилно да стигнат до Бугарите. „Во моментот кога ќе стигнат до Солун, ние како земја сме подготвени да реагираме“, увери Габриел.

„Во моментов се мобилизирани властите, армијата, противпожарната бригада и полицијата. Во моментот кога многу брзо ќе стане јасно дека има потреба од неопходна поддршка, доброто е што ќе ја имаме и тоа јасно го кажа и ЕК“, истакна вицепремиерката Габриел.

Почит кон споменот на жртвите во Царево“, додаде шефицата на бугарската дипломатија Марија Габриел.