ГАК: ПАЦИЕНТКИТЕ ДА СЕ ЈАВАТ НА ПРЕГЛЕД САМО ВО ИСКЛУЧИТЕЛНО НУЖНА И ИТНА СИТУАЦИЈА

//

По донесените мерки од Владата на Република Македонија во функција на превенција од ширење на корона вирус, Универзитетската Клиника за гинекологија и акушерство – Скопје упатува апел до пациентките кои имаат закажано преглед преку „Мој термин“, да се јават на преглед само во исклучително нужна и итна ситуација, со цел намалување на приливот на пациенти, редуцирање на метежот по амбулантите и превенирање од ширење на Ковид-19, велат преку соопштение од Универзитетска клиника за Гинекологија и акушерство.

Апелот особено важи за категоријата на пациентки од над 65-годишна возраст, кај кои е највисок ризикот при евентуална зараза со коронавирусот.

„Заради утврдување на итноста од преглед на пациентките, ЈЗУ У ГАК ќе испрати циркуларно писмо до матичните гинеколози, кои ќе треба да прават строга селекција на итност согласно состојбата на пациентките.

Службата за известување при ЈЗУ У ГАК телефонски ќе ги информира пациентките за откажување на прегледите кои не подразбираат итно доаѓање на клиниката за преглед.



Апелираме до пациентите целосно да ги почитуваат мерките за превенција од оваа болест, упатени од Министерството за здравство“ велат од ГАК.



Претходна статија

ЌЕ СЕ ОСВЕСТАТ ЛИ ЦРВЕНО-ЦРНИТЕ ПО СИЛНИТЕ ШЛАКАНИЦИ ВИКЕНДОВ?

Следна статија

(ВИДЕО) ПОРАДИ ПАДОТ НА ЦЕНАТА НА ГОРИВАТА, НА БЕНЗИНСКИТЕ ВО БИХ СЕ ЧЕКА ВО КОЛОНИ

Најново од Вести