Германска и турска телевизија на снимија репортажа за уникатна свадба во Рибново

Телевизиски екипи од Турција и Германија во саботата и неделата ја снимија дводневната уникатна свадба во бугарското село Рибново. Младенците Кадрие Авдикова и Исуф Мусанков ги следеа сите традиции на нивните дедовци за најсреќниот ден од нивниот живот.

Пред куќата на девојчето беше поставен нејзиниот чеиз – од мебел за целосно опремување на нејзиниот нов дом, до бела и црна техника, облека, ќебиња и сѐ што е потребно за семејството. Невестата е и „гелина“ – целото лице и е намачкано со бел крем и врз него е поставен украс со светки.

Ова е последната традиционална венчавка во село Рибново за оваа сезона.

„Многу гости, новинари од цела Бугарија, Турција, од германската телевизија го посетија Рибново и присуствуваа на една жива традиција која не може да се види на друго место во светот. На младото семејство им посакувам многу здравје, среќа, куќата да им биде полна со бериќет, Возвишениот Алах да ги води и штити и да ги дарува со детска смеа што всушност е смислата на животот“, им посака професорот од локалното средно училиште Ибрахим Кадриев, кој обезбеди фотографии од дводневната прослава.

Тој е и меѓу иницијаторите уникатната Рибновска свадба да биде впишана во нематеријалното културно наследство на УНЕСКО.