Главната обвинителка на САД: Мадуро е обвинет за „наркотероризам, увоз на кокаин и поседување разорни средства насочени против СAД“
Главната обвинителка на САД, Пам Бонди, изјави дека претседателот на Венецуела, Николас Мадуро, и неговата сопруга се обвинети во Јужниот округ на Њујорк, јавува БГНЕС.
Мадуро е обвинет за „наркотероризам, увоз на кокаин и поседување разорни средства насочени против Соединетите Американски Држави“, изјави Бонди и додаде: „Многу скоро тие ќе се соочат со целиот гнев на американската правда пред американските судови.“ Таа не прецизираше по кои точки е обвинета сопругата на Мадуро.
„Огромна благодарност до нашите храбри војници, кои ја спроведоа неверојатната и исклучително успешна мисија за апсење на овие двајца наводни меѓународни наркотрговци“, додаде Бонди.
