Градоначалникот на Мариупол: Ја уништија железницата, не можеме да ги евакуираме жените и децата
Градоначалникот на Мариупол, Вадим Бојченко, вели дека руската армија го блокирала снабдувањето со струја, вода и дека греењето е прекинато. Тој вели дека во градот има хуманитарна катастрофа поради интензивните бомбардирања.
„Ја оштетија и пругата. Уништуваа мостови и кршеа возови за да не можеме да ги евакуираме жените, децата и постарите лица од Мариупол. Русија го запира снабдувањето со храна, нѐ блокира како во поранешен Ленинград, намерно уништувајќи ја критичната инфраструктура за живот во градот седум дена“, рече градоначалникот.
