Грчкиот фотограф Стратос Калафатис го претставува во Софија својот проект Via Egnatia

Грчкиот фотограф Стратос Калафатис ќе го претстави својот проект Via Egnatia на предавање на 22 октомври од 18:00 часот во софиското кино „Одеон“ (бул. „Патријарх Евтимиј“ 1), со бесплатен влез, јавува БНР.
Проектот е создаден по седум години патувања по древниот пат долг 1.500 километри, кој ги поврзувал Западот и Истокот. Патувајќи по него, авторот истражува како наследството на Римската, Византиската и Османлиската империја е присутно на денешниот Балкан, насочувајќи го погледот кон сегашноста и кон луѓето кои живеат и се движат по должината на патот.

Роден во 1966 година во Кавала, Калафатис студирал фотографија во Филаделфија и повеќе од 30 години работи на долгорочни проекти. Меѓу нив е и неговото петгодишно истражување на монашкиот живот на Света Гора. Негови дела биле претставени на меѓународни изложби и фотографски фестивали.

По предавањето, од 20:00 часот, авторот ќе потпишува свои книги во галеријата „Фотосинтезис“ (бул. „Васил Левски“ 57). Влезот на двата настана е бесплатен.