Хесус Кабајеро, директор на компанијата што управува со аеродромот во Софија, ја освои наградата „Аеродромски лидер на годината“ за 2026 година
Главниот извршен директор на СОФ Конект, Хесус Кабајеро, ја освои наградата „Аеродромски лидер на годината“ за 2026 година на церемонијата Airport Honour Awards, организирана од меѓународниот воздухопловен медиум International Airport Review, соопшти аеродромот „Васил Левски“ – Софија.
Наградите се доделуваат за исклучително лидерство, иновации и оперативна извонредност што придонесуваат за развојот на аеродромската индустрија.
Според соопштението, под раководство на Кабајеро, софискиот аеродром остварил рекордна воздушна поврзаност, обезбедил финансирање од 450 милиони евра за долгорочен развој и ги започнал подготвителните активности за изградба на Терминал 3.
Неговата визија е аеродромот да се развие во водечки регионален воздухопловен центар во Европа, наведуваат од аеродромот.
„Оваа награда е значајно меѓународно признание за лидерството на Хесус, постигнатите резултати и неговиот придонес кон иднината на Бугарија и нејзината порта кон светот“, се истакнува во објавата.
Меѓу финалистите во категоријата беа и Алан Борг, главен извршен директор на Меѓународниот аеродром во Малта, Ерик Дима, главен извршен директор на Egis Airport Operation, и Олубунми (Бунми) К., управен и главен извршен директор на Федералната агенција за аеродроми на Нигерија.
