Христијан Пендиков ќе даде прва изјава пред истражителите во Охрид

Христијан Пендиков, кој на 19 јануари беше брутално претепан, утринава ќе го даде своето прво сведочење пред истражителите во Охрид, јавува БГНЕС.

Ова е прво враќање на Пендиков во родниот град по неговото лекување во Софија. Младиот човек мора да го опише нападот и причините за нападот. По инцидентот, обвинителството во Охрид соопшти дека делото е сторено поради бугарската етничка припадност на Пендиков. На последната судска седница еден од напаѓачите Илија Спасески гордо изјави дека „го разбира обвинението, но не се чувствува виновен.“ При тепањето случаен минувач викал да престанат, а обвинетиот Илија Спасески одговорил: „Не вреди за Бугарин да се вика полиција“, а двајцата напаѓачи продолжиле да го тепаат Пендиков. Оваа информација ја обелодени обвинителот во случајот.

Пендиков беше секретар на локалното бугарско здружение, кое заедно со сите останати во земјава веќе е затворено од властите во Скопје. Пред тоа, во неколку наврати имаше пукотници и обиди за вандализам врз бугарскиот клуб. Досега никој не е уапсен за овие злосторства. Во исто време, полициските и судските власти во РСМ ги прогонуваат основачите и водачите на бугарските здруженија во Северна Македонија. Христијан Пендиков неодамна стана бугарски државјанин.

Усвојувањето на т.н „Француски предлог“, кој поставува јасни услови за почеток на преговорите на РСМ за членство во ЕУ, предизвика радикална и екстремистичка антиевропска пропаганда во земјава. Во истата учествуваат претставници и од опозицијата и од владејачката коалиција. Секој месец се објавуваат „социолошки истражувања“ кои на јавноста и предлагаат намалување на поддршката за членство во ЕУ, зголемување на популарноста на рускиот претседател Путин и на српскиот режим на чело со Александар Вучиќ. Според скопските властодршци, за ова се виновни ЕУ и Бугарија кои поставиле „понижувачки услови за РСМ“. Во повеќето случаи, овие студии и анализи се шират од медиуми и организации кои добиваат европски средства во различни форми.

Утре во Охрид се очекува ново рочиште за случајот со претепувањето на Христијан Пендиков.