| |

Илхан Ќучук пречека ученици и градоначалници од Бугарија и РСМ во Европскиот парламент

„Недела на бугарско-македонските односи во Европскиот парламент“, вака европратеникот Илхан Ќучук ја дефинира изминатата недела пред своите гости од Бугарија и Северна Македонија. Лидерот на европските либерали денеска во ЕП пречека група посетители од двете земји, меѓу кои и ученици од Бугарија и Северна Македонија. Тридневната посета на учениците е дел од натпреварот: „Кажи ми за Бугарија, кажи ми за Македонија“. Авторите на есеите се ученици од основното училиште „Исмаил Кемали“ од општина Чаир, Северна Македонија, како и матуранти од средното училиште „Вела Благоева“ во Велико Трново, објави прес-службата на европратеникот.

Ќучук во ЕП ги пречека и градоначалниците на општините Белица – Радослав Ревански и Чаир – Висар Ганиу, Крџали – д-р инж. Хасан Азис и Струмица, Костадин Костадинов, кои се збратимија минатата година, на иницијатива на европратеникот.

„Нашето пријателство, добра волја и соработка што ја демонстрираме овде е доказ дека може да се случат добри работи меѓу двете земји. Ние политичарите не треба да гледаме во минатото, можеме да учиме од него. Но, поважно е правилно да ја градиме иднината, нашите земји, нашите економии и добрососедските односи. По голем број иницијативи, оваа недела стана недела на бугарско-македонските односи во Европскиот парламент. Заедничката изложба на уметници од двете земји што денеска ја претставивме овде пред десетици гости, учениците кои победија на конкурсот за есеј, збратимените општини, сите овие добри иницијативи се мали чекори во вистинската насока. Ова е нашиот пат – заедно до подобра заедничка иднина во ЕУ“, рече Ќучук.

Европратеникот им се заблагодари на директорите на двете училишта и на градоначалниците на збратимените општини, со кои, според неговите зборови, идејата ја претворија во прекрасна иницијатива и долгорочна соработка.

Според Ќучук, Бугарија е дел од ЕУ веќе 16 години. е посветена да придонесе со добрите примери за земјите од Западен Балкан.

За време на посетата на Брисел, гостите имаа можност да се запознаат со работата на европските институции и да ги посетат знаменитостите на градот.

Слични Објави