Илиев: Џиро д’Италија е настан од размерите на Формула 1

Бугарскиот министер за спорт и млади Димитар Илиев го оцени претстојното домаќинство на Џиро д’Италија 2026 во Бугарија како настан од ранг на Формула 1 или MotoGP. Во интервју за БНТ тој истакна дека организацијата е меѓу најсложените досега, поради вклученоста на бројни институции и целата територија на државата.

Илиев нагласи дека ефектите не се ограничуваат само на спортот, туку се очекуваат и во туризмот и меѓународниот имиџ, со реални придобивки неколку месеци по настанот. „Ова е спортско случување во размери што никогаш не сме ги имале, настанот се следи од 500 до 800 милиони гледачи во над 190 држави“, изјави тој, додавајќи дека Бугарија ќе биде прикажана „во најдобро светло“.

Стартот ќе биде од Несебар, со презентација на 6 мај и почеток два дена подоцна. Илиев посочи дека се завршени значајни инфраструктурни подготовки и дека временските услови ќе бидат клучни.

Тој оцени дека најголеми придобивки се очекуваат во туризмот, особено со интерес од земји како Австралија и Колумбија, како и во промоцијата на Бугарија како домаќин на големи настани.

Во заклучок, Илиев нагласи дека улогата на спортот за здравјето и развојот на младите, треба да биде приоритет на државата.