Интерактивниот музеј „Овие се Будителките на Бугарија“ ќе биде отворен на 1 ноември 2025 година во 12:00 часот на плоштад „Гина Кунчева“ во Софија
Проектот, создаден од Општина Обориште и Фондацијата „Будителките“, е финансиран преку програмата „Граѓански буџети на Софија 2025“, јавува Актуално.
На плоштадот ќе бидат поставени 14 интерактивни клупи, секоја посветена на една од највлијателните бугарки во историјата – меѓу нив Екатерина Каравелова, Јулија Малинова, Мара Белчева, Костанца Љапчева, Ана Карима и Јана Јазова. Една клупа ќе ја носи и името на Гина Кунчева, мајката на револуционерот Васил Левски.
Секојa клупa ќе има QR-код кој води до веб-страница со приказните на Будителките на бугарски и англиски јазик. Во денот на отворањето, посетителите ќе слушнат нивни инспиративни приказни, ќе разгледаат архивски фотографии и документи, и ќе им оддадат почит на жените што го пробудија бугарското општество.
