Ирина Флорин: Сонувам за нови хитови и големи концерти

Ирина Флорин не престанува да создава, а по нејзиниот сингл „Магија“ кој го објави на нејзиниот роденден во февруари, планира уште една песна оваа година. Таа сподели дека минатата година имала речиси 30 концерти и дека е пресреќна од нејзините средби со публиката.

Пејачката има издадено осум албуми. Нејзината кариера започна во 90-тите години на минатиот век. Во 2001г. го сними својот прв голем пробив, „Во трето лице“. Некои од нејзините евергрини се песните како „Можам“, „Додека“, „Ветерот спие“, „Виолетова боја“ и „Патување“, при што последните две во ремикс верзија и ја отвораат вратата на современата музика на бугарската сцена во ноќните клубови.

Нејзините пријатели велат дека е трудољубива и перфекционист, а Флорин се согласува со нивната дефиниција и е категорична дека сонува за нови хитови и големи концерти во летните театри.

“Моето секојдневие е секогаш исполнето со емоции и јас сум многу среќна личност! Многу работи ме инспирираат – вистински работи, вистински врски, пријателство, мода, природа, животни…И музика – тоа е мојот живот!”, сподели пејачката.

Ирина Флорин е позната по нејзината неверојатна комбинација на стилови претставени на современ начин, било да е тоа артпоп, инди, електроника и танц. Таа има свој стил и знае како да го искористи својот глас. Според неа, мисијата на музиката е да инспирира, лекува и обединува! Затоа пејачката обожава да експериментира во своите песни и ужива во предизвиците на дуетите.

Пејачката сподели дека не ја заборавила модата /пред извесно време работеше како дизајнер, па дури и ја освои престижната награда „Златна игла“/, но сега тоа го применува само на своите комбинации. Не размислувала за модна колекција бидејќи е голема инвестиција, но би размислувала во таа насока затоа што сака повторно да ја следи својата страст.

Фото: БНР