Излезност на локалните избори 2025: Досега гласале 31,32% од избирачите
Според податоците на Државната изборна комисија (ДИК), до 15:45 часот излезноста на локалните избори во Северна Македонија изнесува 31,32 проценти од обработените 98,93 проценти избирачки места. Од вкупно 1.832.415 запишани избирачи, своето право на глас го оствариле 567.753 граѓани.
Најголема излезност е забележана во општина Чашка, каде што до 15:45 часот гласале 53,19 проценти од избирачите. Следуваат Новаци со 52,84 проценти, Вевчани со 51,60 проценти, Македонски Брод со 48,21 процент и Дојран со 48,88 проценти. Најниска излезност е регистрирана во општина Врапчиште со 14,94 проценти, Маврово и Ростуша со 20,14 проценти, Гостивар со 20,95 проценти и Шуто Оризари со 23,49 проценти.
Во Скопје, просечната излезност се движи околу 32 проценти. Поединечно, Карпош бележи излезност од 33,37 проценти, Аеродром 31,50, Кисела Вода 31,58, Бутел 33,10, Чаир 35,22, Центар 34,38, Сарај 36,32 и Шуто Оризари 23,49 проценти.
Во поголемите градови излезноста е следна: Битола 31,45 проценти, Прилеп 30,83, Тетово 32,44, Куманово 27,79, Охрид 32,36 и Струмица 34,27 проценти.
Од вкупно 3.474 избирачки места, обработени се 3.429, што претставува 98,70 проценти. Според податоците на ДИК, гласањето се одвива мирно и без поголеми инциденти, а податоците за излезност се ажурираат на секои два часа.
Државната изборна комисија ќе објави нови податоци за излезноста во текот на попладневните часови, додека избирачките места остануваат отворени до 19 часот.
