ЈУБИЛЕЈ 75 ГОДИНИ „ОСТЕН“

Изложба на слики, цртежи и графики на повеќе од 200 уметници од целиот свет беше поставена од први до 10 октомври во објектот Чифте амам при Националната галерија во рамките на одбележувањето на големиот јубилеј – 75 години постоење на „Остен“.

Јубилејот на „Остен“ се одбележува со две паралелни изложби што се поставени во галеријата „Остен“ и во Чифте амам. Во галеријата „Остен“ се изложени графички дизајни што ја прикажуваат еволуцијата на брендот „Остен“ од 1945 година до денешен ден и 52-та Светска галерија на карикатури, додека во Чифте амам можеа да се видат делата на повеќе од 200 уметници од целиот свет во рамките на два програмски сегменти на „Остен“ – Биенале на цртеж Скопје 2020 и Биенале на наградени автори Охрид/Скопје 2019-2020.