ЈУБИЛЕЈНИ „ЕСЕНСКИ МУЗИЧКИ СВЕЧЕНОСТИ“ ОД УТРЕ ДО 28 НОЕМВРИ

Единаесет настани ќе бидат одржани на 20. Есенски музички свечености кои ги организира Дирекцијата за култура и уметност-Скопје (ДКУС). Ќе бидат отворени утревечер со концерт на Филхармонијата, на кој солист ќе биде германскиот виолончелист Николас Алштед, еден од најбараните инструменталисти на светската музичка сцена.


На програмата е Концертот за виолончело и оркестар од Мјачеслав Вајнберг и „Чудесниот Мандарин“ од Барток. Со оркестарот ќе диригира Ален Бурибајев од Казахстан.


Есенските музички свечености ќе бидат затворени на 28 ноември во Филхармонијата со концерт на Националната филхармонија „Кодај“ и хорот „Кодај“ од Дебрецин, Унгарија, со повеќе од 100 учесници, а солист ќе биде познатиот виолинист Барнабас Келемен. Ќе бидат изведени дела од унгарските композитори Лист, Барток и Кодај.



Овој концерт ќе биде слободен за посетителите, а бесплатни ќе бидат и други настани, меѓу кои и концертот на ансамблот „Танец“ на 7 ноември во Дом на АРМ, по повод 70 години од неговото постоење.

Претходна статија

ПРОЕКЦИИ НА НАЈНОВИОТ ФИЛМ НА МИЛЧО МАНЧЕВСКИ „ВРБА“ ВО ОХРИД

Следна статија

ОДБЕЛЕЖАНИ 40 ГОДИНИ ОД ДОДЕЛУВАЊЕТО НА НОБЕЛОВАТА НАГРАДА ЗА МИР НА МАЈКА ТЕРЕЗА

Најново од Култура