Кампања за подигнување на свеста кај младите против говорот на омраза

/

Детската фудбалска лига оваа недела ќе биде во знакот на подигнување на свеста кај младите за општество ослободено од омраза и дискриминација, вклучувајќи ги и фудбалските терени.

Како дел од заедничката кампања на Европската унија и Советот на Европа насловена „Блокирај ја омразата. Сподели љубов!“, фокусирана на борбата против говорот на омраза, во соработка со Фудбалската федерација на Македонија, денеска млади, родители и навивачи на фудбалските терени на ФФМ во Скопје ќе навиваат за својот омилен тим, но ќе имаат можност и да се информираат за различните начини на борба против говорот на омраза во спортот и секојдневниот живот.

Целта на кампањата е да ја подигне свеста за различните форми на говор на омраза кои таргетираат специфични заедници и поединци во македонското општество, како и да се промовираат различните начини за спротиставување на говорот на омраза. Кампањата вклучува јавни личности, институции, организации и активисти за човекови права кои преку лични сведоштва, приказни и размена на добри практики ќе промовираат разноликост и еднаквост во локалните заедници и ширум регионот.

Според организаторите, на денешниот настан како поддршка на кампањата ќе се приклучи селекторот на Македонската А фудбалска репрезентација, Благоја Милевски, кој е амбасадор против говорот на омраза. Најавено е присуство и на Штефан Худолин, раководител за соработка во Делегацијата на ЕУ и Лејла Дервишагиќ, оперативна раководителка на Програмската канцеларија на Советот на Европа во Скопје.





Претходна статија

Пејо Јаворов не живее, тој гори: 108 години од смртта на големиот бугарски поет, комита и војвода на ВМОРО

Следна статија

Ердоган: Првиот турски електричен автомобил на патиштата во 2023 година

Најново од Вести