КИЧЕВСКИОТ ВЕЌЕ ЈА ОТСЛУЖУВА КАЗНАТА ВО ЗАТВОРОТ ВО СТРУГА
Зоран Милески – Кичевскиот денеска влезе во Казнено поправниот дом (КПД) Струга за отслужување на правосилната затворска казна од три години на која е осуден во случајот „Рекет“.
Директорот на Управата за извршување санкции Јовица Стојановиќ потврди дека Зоран Милески е примен во струшкиот затвор пред околу час и половина и оти сам се пријавил во извршување на затворската казна, јавува ТВ 24.
Милески е осуден на три години затвор, откако во декември минатата година го призна делото за случајот „Рекет“ – примање награда за противзаконито влијание.
