| |

КИНА СТАНА ГЛАВЕН ТРГОВСКИ ПАРТНЕР НА ЕВРОПСКАТА УНИЈА, ПРЕД САД

Во првите 9 месеци Кина беше најголемиот трговски партнер на ЕУ, престигнувајќи ги САД, што е последица на епидемијата и наглиот скок на кинеската економска активност.

Во првите три квартали од 2020 година, размената меѓу ЕУ и Кина достигна 425,5 милијарди евра, а размената меѓу ЕУ и САД изнесува 412,5 милијарди евра во истиот период, покажуваат најновите податоци на Евростат. Во истиот период во 2019 година, трговијата на ЕУ со Кина беше 413,4 милијарди, или 461 милијарда со САД.

Овој резултат е последица на растот на увозот (+4,5 проценти) и извозот (во Кина) се непроменети, соопшти Еуростат, додавајќи дека во истиот период трговијата со САД забележа значителен пад на увозот (-11,4 проценти) и извозот (-10,0 проценти).

Вкупниот дефицит на ЕУ во трговскиот биланс со Кина се искачи на 135,9 милијарди евра во првите девет месеци од 2020 година, а во истиот период во 2019 година тој изнесуваше 123,9 милијарди.



Слични Објави