Ќучук: Правата на Бугарите во РС Македонија се дел од извештаиете за преговарачкиот процес

Правата на Бугарите во РС Македонија се дел од извештајот на ЕУ за преговарачкиот процес. Ова е договор што е постигнат на предлог на француското претседателство, тој е европски и го изгласаа двата парламента – бугарскиот и оној на РСМ, изјави за БГНЕС копретседателот на АЛДЕ, Илхан Ќучук.

Европратеникот изјави дека отсега договорите мора да се спроведуваат. „Не гледам желба од здравите, проевропски сили тоа да не се случи, туку токму спротивното“, рече Ќучук.

„Гледам обид за консолидација, за да може да се најде решение. Уставот и промената на секој основен закон бара јавна и политичка енергија“, беше категоричен Ќучук и истакна дека патот кон добрососедството минува низ разбирањето меѓу двете земји. .

„Мора да се бараат најдобри решенија за проширување на Западен Балкан“, рече тој, нагласувајќи дека Брисел отсликува се во своите извештаи.

Ќучук истите ги опиша како многу темелни.

„И извештаите на Комисијата и резолуциите на Европскиот парламент и позициите што ги искажуваме, во мојот конкретен случај како известувач“, посочи тој.

Копретседателот на АЛДЕ беше категоричен дека извештаите кореспондираат со политичката реалност во Северна Македонија.