Командантот на грчката воена морнарица го посети бугарското Високо военоморско училиште во Варна
Командантот на Военоморските сили на Грција, вицеадмирал Димитриос-Елефтериос Катарас на 3 септември го посети Високото военоморско училиште „Н. Ј. Вапцаров“, каде што со раководството разговараше за обуката на идни морнарички кадри и за продлабочување на соработката меѓу Бугарија и Грција, јавува Armymedia.
Катарас се запозна со базата за предавања и вежби, подготовката на питомците и студентите, како и со технолошките можности на училиштето во областа на образованието и научните истражувања.
Со началникот на училиштето, флотилен адмирал проф. д-р Калин Калинов, тој ги разгледа можностите за размена на искуства и развој на соработката меѓу бугарските и грчките военоморски институции, особено во военоморското образование, научната дејност и подготовката на квалификуван кадар.
Катарас ја завршил Грчката военоморска академија во 1987 година, а од јануари 2024 година е началник на Генералштабот на Военоморските сили на Грција.
