Копнените сили на Бугарија ќе го одбележат својот празник со денови на отворени врати

Копнените сили на Бугарија ќе го одбележат својот празник, 19 ноември, со денови на отворени врати во воените единици низ земјата и со концерти, соопшти прес-центарот на бугарското Министерство за одбрана.

Иницијативата започна на 13 ноември во Првиот разузнавачки баталјон во Свобода, каде што ученици се запознаа со опремата, вооружувањето и работата на војниците.

На 17 ноември за посетители ќе бидат отворени воените единици во Хасково, Благоевград, Враца, Смолјан и Асеновград, а на 18 ноември во Стара Загора, Јамбол, Плевен, Шумен, Пловдив и Горна Орјаховица. На 19 ноември посетители ќе пречека 38. баталјон во Мусачево.

Граѓаните ќе можат да се запознаат со војничките должности, можностите за професионална кариера во Копнените сили и со вооружувањето и техниката што ги користат, се наведува во соопштението.

Во рамките на одбележувањето, од 17 до 19 ноември ќе се одржат концерти на воените оркестри во Карлово, Казанлак, Сливен и Асеновград.