Ковачев: РСМ ја премина црвената линија, власта и опозицијата таму се во пеколна конкуренција кој ќе го заштити идентитетот од лошите Бугари
Премината е црвената линија, со забраната член на Европскиот парламент да посети земја кандидат за ЕУ, тоа доведе до сериозни реакции од ЕК, од комесарот за проширување, од претседателот на ЕП, од бугарската влада и партиите во ЕНП. Така што овој чекор е огромна грешка на владата во Скопје, на претседателот Пендаровски и на премиерот Ковачевски, кои очигледно се иницијатори на ваквите списоци, за кои мислев дека се само гласини во февруари. Ова за БТВ го изјави европратеникот Андреј Ковачев, кој не беше пуштен на територијата на РСМ.
Огромно беше разочарување да се дознае дека оваа листа за која се зборуваше не е гласина, ќе има заедничка собраниска комисија меѓу ЕП и Скопје. Но, Скопје должи детални и јасни објаснувања врз основа на кои ја донеле оваа невидена одлука, додаде Ковачев.
Пред неколку дена имав разговор со Бујар Османи во Брисел, пријателски разговор, немаше ни трошка сомнеж или предупредување дека може да се случи вакво нешто. Настанот на кој сакав да присуствувам, многу добар настан, заедничка прослава на нашата заедничка историја, во чест на загинатите за независноста во Ново Село – бугарските воени гробишта. За мене е неразбирливо, на граница и потоа објаснувањето на портпаролот на МВР на РСМ дека потенцијално јас и другите сме можеле да придонесеме за безбедносни проблеми на овие воени гробишта во близина на границата. Треба да се вратат чекор назад и да се извинат, тие се во заблуда, можеби заради тоа што сакаат да се натпреваруваат предизборно. Владејачката партија и опозицијата се во пеколна конкуренција кој ќе го заштити идентитетот на РСМ од лошите Бугари. Не слушнав и не видов напредок, се надевам дека до крајот на годината ќе има напредок, но овие преседани кои ги создава РСМ на европско ниво велат дека многу сили таму навистина не сакаат европска интеграција и сакаат да останат во оската Скопје- Белград-Москва, додаде Ковачев.
