Кралскиот куклен театар „Перјуше“ во Брисел – речиси еден век традиција со силна бугарска врска

Кралскиот куклен театар „Перjуше“ во Брисел, еден од најстарите во Европа, има 97-годишна историја, од кои околу 40 години се поврзани со бугарската актерка, режисерка и драматург Бисерка Асенова. Нејзиниот син, драматургот и режисер Димитри Жажено, веќе 18 години е уметнички раководител на театарот, пишува БНР.

„Почнав да играм со моите родители кога имав 11 години, а сега имам 50 – значи речиси 40 години се занимавам со куклен театар“, вели Жажено во интервју за БНР.

Тој објаснува дека театарот е семејна традиција и дека „Перjуше“ значи „театарот на мојот сакан татко“, што го одразува неговото потекло. Театарот функционира со мал тим, а претставите обично ги изведуваат тројца луѓе.

Иако има ограничена институционална поддршка, театарот годишно привлекува околу 6–7 илјади гледачи. Жажено нагласува дека куклената уметност и понатаму е релевантна, дури и во дигиталната ера.

„Треба да им дозволиме на децата да ја откријат својата внатрешна слобода и да ја зачуваат својата имагинација. Тоа е поважно од логиката на парите, технологијата или моќта“, вели тој.

На крајот, Жажено упати порака: „Сакам да им порачам на бугарските семејства да одат во куклен театар – тоа е прекрасно време поминато со децата.“