Кривична против раководителката во Центарот за вработување, од службена картичка потрошила над 10.000 евра

/

Одделот за сузбивање на организиран и сериозен криминал (ОСОСК) до ОЈО за гонење на организиран криминал и корупција, поднесе кривична пријава против Слободанка Алексовска, која како поранешен раководител во Центар за вработување при Агенцијата за вработување, од службената картичка за сопствени потреби потрошила 10.325 евра. Таа се товари за злоупотреба на службената положба и овластување.

„ Пријавената го сторила кривичното дело во својство на службено лице од позиција на раководител, при што во периодот од 01.01.2014 до 30.04.2017, злоупотребила и ненаменски искористила парични средства од благајната на Центарот за вработување при АВРМ, кои биле одобрени за службени потреби и репрезентација на Центарот, а таа, со намера за себе да прибави корист, злоупотребувајќи ја својата службена положба и пречекорувајќи ги границите на службените овластувања, вршела набавки на стоки и услуги за свои лични потреби, а не за потребите на службата“ се наведува во соопштението.

Алексовска нанела штета на Буџетот во вкупен износ од 635.065 денари (10.325 ЕУР).



Извор: Темите

Претходна статија

Синот на вториот возач го идентификува телото на својот татко, вели дека бил во кабината за спиење

Следна статија

Основната јавна обвинителка Русковска се сретна со евроамбасадорот Гир

Најново од Вести