КУЛТУРНИОТ ЦЕНТАР „ИВАН МИХАЈЛОВ“ ОД БИТОЛА СО ОТВОРЕНО ПИСМО ДО БУГАРСКИОТ ДРЖАВЕН ВРВ

Културниот центар „Иван Михајлов“ од Битола денеска на својата официјална facebook страна објави отворено писмо со барање за радикално поедноставување на постапката за добивање бугарско државјанство, до бугарскиот премиер Бојко Борисов, министерот за одбрана на Бугарија Красимир Каракачанов и до министерката за надворешни работи Екатерина Захариева.

loading...

Писмото на КЦ „Иван Михајлов“-Битола ви го пренесуваме во целина:

„Почитуван господине Борисов,
Почитуван господине Каракачанов,
Почитувана г-ѓа Захариева,
Почитувани сонародници од Бугарија,

Знаете дека во последниве години повеќе од 100.000 македонски Бугари добија бугарско државјанство, а уште десетици илјади се пријавија за бугарски пасоши. Тука во Битола пред бугарскиот конзулат редици луѓе чекаат. Секој од овие Македонци потоа ке оди лично во Бугарија за да го прогласи својот бугарски идентитет и да достави документи. И покрај масовната кампања против овие луѓе во Македонија, тие не се помалку патриоти на својата земја. Тие ја сакаат Македонија дури и повеќе од другите. Тие не се „фашисти“, „Татари“ или кое било малцинство, туку голема заедница на Македонци кои го зачувале својот бугарски идентитет.

Нашата јавна сатанизација нè принудува тука да се оправдаме дека бараме бугарски пасоши затоа што сакаме да патуваме во Европа. Ова секако не е точно затоа што дури и со македонски пасош патувате без виза за Европа, а во исто време повеќето македонски Бугари немаат намера да ја напуштат својата татковина Македонија.


loading...

Но, денес се соочуваме со огромен проблем во врска со претстојниот попис во северна Македонија. Нам, македонските Бугари, ќе ни биде тешко да ги надминеме стравовите засадени во 1944 година, за да се изразиме слободно и демократски. Децениските фалсификати на нашата историја, врз кои лежи државната доктрина на србо-македонизмот, исклучуваат каков било плурализам за етничко самоизразување меѓу словенското население во нашата татковина.

Стереотипите против нас сè уште се во учебниците по историја и овие стереотипи го нарушуваат нашето право на слободно изразување. Така имаме апсурдна ситуација: десетици илјади доаѓаат во Софија за бугарско државјанство. Со своите потписи се декларираат како „Бугари по потекло“, а овде на пописот не се осмелуваат да се запишат како македонски Бугари. Господине Борисов, Господине Каракачанов Г-ѓа Захариева, Во следните недели ќе се одржи нов попис во северна Македонија. Затоа се обраќаме до властите во Бугарија да ни помогнат да добиеме безбедност за оние Македонци кои сакаат мирно и слободно да се регистрираат како „македонски Бугари“.

Бараме радикално поедноставување на постапките за добивање бугарско државјанство, што ќе не заштити од притисокот на бугарофобијата. Зарем ова не е точно значењето на бугарското државјанство – да ги заштити нашите права?! Апелираме секој граѓанин на Северна Македонија кој со фотокопија од пополнетиот формулар за време на пописот ќе докаже дека се осмелил да се регистрира како „македонски Бугарин“ да добие по желба бугарско државјанство по скратена постапка. На овој начин, би избегнале да бараме сертификати за потекло, кои раѓаат шпекулации за корупција и кои можат да им ја откријат на локалните служби нашата намера да добијаме бугарско државјанство.

Така, бугарската држава ќе ги заштити македонските Бугари кои се изјавиле на пописот. Како ваши браќа, веруваме дека нашето барање ќе биде разбрано затоа што е во интерес на луѓето од двете страни на границата – границата со која не раздели нашата тешка историја“, стои во отвореното писмо на КЦ „Иван Михајлов“ од Битола.