Лора Христова се враќа во Софија по олимписката бронза во Милано-Кортина

Бронзената медалистка од Зимските олимписки игри во Милано-Кортина, Лора Христова, се очекува да пристигне во понеделник, на 23 март во 13:00 часот, на Терминал 2 на аеродромот „Васил Левски“ во Софија со лет од Осло преку Минхен, заедно со дел од бугарската биатлонска репрезентација, јавува БГНЕС.

22-годишната Христова приреди големо изненадување, освојувајќи бронза во дисциплината 15 километри индивидуално, со беспрекорна стрелба. Со тоа таа го донесе третиот олимписки медал за Бугарија во биатлон, по златото на Екатерина Дафовска (Нагано 1998) и бронзата на Ирина Никулчина (Солт Лејк Сити 2002).

Покрај бронзата, Христова оствари и силни пласмани – седмо место во потерата, 11-то во спринтот и 14-то во масовниот старт.

„Едноставно уживам во моментот. Знаев дека сè е можно, но не започнав со мисла за медал. Не мислам дека ова е толку големо изненадување, бидејќи знам колку труд вложив“, изјави Христова.

Со овој успех, таа го освои вториот бронзен медал за Бугарија на Игрите, по оној на Тервел Замфиров во сноуборд.