Македонски државјанин е уапсен во Бугарија за шверц на над 100 мигранти

/

Во бугарскиот град Бургас утрово бил приведен возач на камион со повеќе од стотина илегални мигранти, соопшти портпаролката на Регионалната управа на МВР во градот, Цветелина Рандева.

Идентификуван е возачот на камионот – 60-годишен македонски државјанин.

Товарниот камион и неговиот возач се приведени околу 06:45 часот. Превезувал само мажи со авганистанско потекло. Утврдено е дека истите биле натоварени во областа Дебелт, а камионот поминувал низ Бургас. Таму бил спречен од полициски службеници во приморскиот град.

За случајот е поведена предистражна постапка, објави агенцијата БТА.





Претходна статија

Честитка од Спасовски по повод Успение на Пресвета Богородица

Следна статија

ОМФИФ: Народната банка прва во светот според застапеноста на жените на раководни места во финансиските институции

Најново од Вести