Макрон го критикуваше иранскиот претседател: „Неприфатливо е Франција да биде цел“

Францускиот претседател Емануел Макрон му рече на својот ирански колега Масуд Пезешкијан дека е „неприфатливо“ Франција да биде цел на напади на Блискиот Исток и побара итно враќање на двајцата француски државјани приведени во Иран.

„Го потсетив дека Франција дејствува исклучиво во одбранбена рамка насочена кон заштита на своите интереси, оние на регионалните партнери и слободата на пловидба, и дека е неприфатливо нашата земја да биде цел“, рече Макрон во објава на Икс.

I have just spoken with Iranian President Massoud Pezeshkian.

I called on him to put an immediate end to the unacceptable attacks Iran is carrying out against countries in the region, whether directly or through proxies, including in Lebanon and Iraq. I reminded him that France…

— Emmanuel Macron (@EmmanuelMacron) March 15, 2026

Макрон, исто така, ја нагласи важноста од враќање на слободата на пловидба во Ормутскиот теснец. „Слободата на пловидба во Ормутскиот теснец мора да се врати што е можно поскоро“, рече тој.

Францускиот претседател нагласи дека трајната стабилност ќе бара нова политичка и безбедносна рамка што ќе ги земе предвид нуклеарните амбиции на Иран, програмата за балистички ракети и регионалните активности.

„Само нова политичка и безбедносна рамка може да гарантира мир и безбедност за сите“, рече Макрон, додавајќи дека таков аранжман мора да гарантира дека Иран никогаш нема да се здобие со нуклеарно оружје.