„МАКСАМ ФАЈТ“ ОД ПРИЛЕП ПРОСЛАВИ 12 ГОДИНИ ПОСТОЕЊЕ

/

Клубот за боречки вештини Maksam Fajt од Прилеп пред два дена прослави 12 години постоење. Клубот има учествувано на голем број натпреварувања во земјата и странство и може да се пофали со државни прваци во повеќе категории и возрасти.

Клубот настапува на сите државни првенства, а исто така и на меѓународни натпревари во Србија, Црна Гора, БиХ, и Швајцарија. Натпреварувачите на Maksam Fajt достојно ја претставуваат Република Македонија на овие спортски настани и досега имаат освоено голем број медали на меѓународно ниво.

Од септември минатата година клубот располага со сопствени целосно опремени и уредени за тренинзи простории во прилепската населба Точила.

Во моментот клубот брои околу 50 членови, пионери, кадети, јуниори, сениори и ветерани од двата пола машки и женски. Во клубот освен натпреварувачи тренираат и голем број рекреативци, што ги одбрале боречките вештини како начин, да ја одржуваат својата спортска форма.  



„На 4 Февруари 2008 г. се одржа првиот тренинг. На почетокот бевме група пријатели, љубители на боречките спортови. Клубот работеше самоодбрана, после почна и кик-бокс и ММА (мешани боречки спортови). Денес сѐ уште тренираме, но во одлични услови,со препознатливи маици со наше лого,со целосна опрема,со стручен и искусен тим на членови,асистенти,натпреварувачи. Клубот е член на Кик Бокс Маи Таи Федерација на Македонија. Им благодариме на сите што овие 12 години се со нас, ни помагаат ,не поддржуваат. Им благодариме и на сите тренери, клубови, спортски организации со кои соработуваме, новинари ,пријатели, симпатизери. Продолжуваме и понатаму,со цел ширење и промоција на спортот, боречките спортови, здравиот начин на  живот, пријателство, дружење и едукација“ изјави тренерот на клубот, Пеце Ангелески за нашиот портал.



Претходна статија

(ВИДЕО) ЗАВЕАНИ СЕЛА НА ПАДИНИТЕ НА ШАРА

Следна статија

ЃОРЃИЕВСКИ: ЗАЕВ ТРЕБА КРИВИЧНО ДА ОДГОВАРА ЗА ЗЛОУПОТРЕБАТА СО СЛУЧАЈОТ „МОНСТРУМ“

Најново од Вести