„Мамник“ освои три престижни награди за најдобра серија на фестивали во САД, Швајцарија и Велика Британија
Мистичната серија „Мамник“ го потврди својот успех од телевизискиот етер и освои три престижни признанија за најдобра серија на филмски фестивали во САД, Швајцарија и Велика Британија, јавува БНР.
Копродукцијата на Бугарската национална телевизија стигна и до финалето на авторитетниот форум Cinema Royale.
Серијата е создадена според истоимениот бестселер на писателот Васил Попов, а главните улоги ги толкуваат актерите Екатерина Лазаревска, Маријан Стефанов, Јордан Р’син, Гринго-Богдан Григоров, Владимир Пенев и Ели Скорчева.
Режисер на фантастичниот трилер, снимен во живописниот регион на градот Трн, е Виктор Божинов.
