Мексиканскиот писател Давид Тоскана ќе го претстави романот „Слепата армија“ во Софија
Мексиканскиот писател Давид Тоскана на 10 септември од 19:00 часот во книжарницата Umberto & Co. во Софија ќе го претстави бугарското издание на својот роман „Слепата армија“. Во разговорот со авторот ќе учествува Десислава Антова, една од преведувачите и уредничка на книгата, јавува Радио Бугарија.
Романот е инспириран од историскиот настан со ослепувањето на војниците на бугарскиот цар Самуил по битката кај Клуч. Тоскана го користи настанот како основа за книжевна приказна во која се преплетуваат историјата, фикцијата, трагедијата, иронијата и поезијата.
Давид Тоскана, роден во 1961 година, е еден од најнаградуваните и најпреведуваните современи мексикански романсиери. Во 2017 година ја доби наградата „Хавиер Виљаурутија“ за романот „Олегарој“, а во 2023 година и наградата за роман „Марио Варгас Љоса“ за „Тежината да се живее на Земјата“.
