МИЦКОСКИ НЕ ПРОПУШТА ШАНСА: ПАК ИМ СЕ ПОЖАЛИЛ НА ЕВРОПСКИТЕ ПРАТЕНИЦИ И САМУЕЛ ЖБОГАР ОД ЗАЕВ

„ Денеска остваривме работен ручек со европарламентарците Едуард Кукан, Кнут Фленкенштајн и средба со европратениците Кристијан Дан Преда, Илхан Коучук и евроамбасадорот Самоил Жбогар.
На средбите посочив дека корупцијата и криминалот останува еден од главните проблеми во државата, како и недостатокотот на правна држава и владеење на право. Власта создава систем во кој имаме зависно судство, политизирано обвинителство кои се ставаат во функција на политичките цели на актуелната партија на власт. Сето ова придонесува до голем застој во реформите врзани со европската агенда која не е приоритет за актуелната влада.
Истакнав дека власта наметнува недемократски амбиент и поделеност на општеството служејќи се со притисоци и прогон врз опозицијата и неистомислениците. И во такви едни услови создадени од власта, ВМРО-ДПМНЕ одлучи да го замрзне своето учество во процесот Жан Моне, ценејќи ја неговата функција, но неоправдувајќи ги методите со кој се служи власта.
Треба да се овозможи Јавен обвинител на предлог од опозицијата, кој ќе се справи со сомнежите за криминал и да овозможи борба против корупцијата, и дека власта треба да го прифати ова барање доколку навистина суштински се залага за правна држава и владеење на правото“- објави на својот официјален профил претседателот на ВМРО-ДПМНЕ, Христијан Мицкоски.