Мицкоски се најде во ќорсокак
Пишува: Љупчо Куртелов за БГНЕС
Билатералните односи не треба да бидат критериум за напредок во процесот на европската интеграција. На тоа инсистира премиерот Христијан Мицкоски, осврнувајќи се на односите меѓу Северна Македонија и Бугарија.
ЕУ не може да ги менува правилата поради РС Македонија. Да потсетам. Словенија мораше да ги исполни барањата на Италија, Хрватска подоцна направи компромис со Словенија во врска со нивните гранични прашања во Пиранскиот Залив. Грција сега ја предупредува Албанија дека доколку не му даде повеќе права на грчкото малцинство на југот на земјата, нема да може да го следи патот кон Европа.
Мицкоски тврди дека „нема друга земја-кандидат за членство во ЕУ што направила толку отстапки како Македонија, а ние немаме намера да го правиме тоа“.
Ова е донекаде точно.
Во однос на Грција, мојот став е дека моралниот закон беше на наша страна. Грците го покренаа ова прашање откако Македонија стана независна држава. Се плашеа од зближувањето на новородената Македонија и Бугарија и со тоа го блокираа овој процес. Зошто порано додека бевме дел од СФРЈ не им пречеше името Република Македонија?
Но, проблемите во односите со Бугарија се суштински различни. Да бидам појасен, би направил аналогија.
„Ако дедо ти ја украл нивата на комшијата, а поради економската состојба тогаш комшијата не можел да си го врати имотот, сега ти (внукот) си должен да го сториш тоа. Немаш право, си навикнал да ги береш плодовите од неа, но е дојдено времето да ја вратиш“.
И тука Мицкоски удира во карпа. Не сака да ја врати туѓата нива (читај – историја).
Ако вистински ја сака Македонија и нејзиниот просперитет, би ја вратил. Но, менторите од блискиот и далечниот север не му даваат!
А ти од оваа страна на Осогово имате мани – се гушкате со Орбан. Паричните текови со кои се финансираат сајтови за „плукање“ врз Бугарија доаѓаат од (или преку) Унгарија на Орбан. Тој истиот го прибра и бугаромразецот Груевски.
