Младинци од РС Македонија и уште 5 европски земји ја посетија Обштина Белица по проект на Еразмус+

Градоначалникот на Општина Белица во Бугарија Радослав Ревански пречека 45 млади луѓе од Северна Македонија, Турција, Шпанија, Италија, Романија и Холандија во рамките на проект на програмата „Еразмус+“ поврзан со меѓукултурниот диалог.

„Меѓукултурниот дијалог е во основата на мултикултурното разбирање и платформа за соработка меѓу културите во Општина Белица“, им кажа Ревански на гостите. „Фундаменталната идеја на раководството на општината е да се збогати човековиот – личен развој преку директна комуникација со вредностите на мултикултурното општество, кои ги споделуваат претставниците на сепак различните култури. Секој граѓанин во нашата општина има еднакви шанси за образование и самообразование, социјално-економски, културен и духовен развој со приоритет на младите“, додаде градоначалникот.

Во својата презентација, секретарот на читалиштето во Белица ги запозна присутните со вредностите и моделот на мирен соживот на заедниците во општината.

„Во Општина Белица, во секојдневието и празниците, во тажни и весели денови, христијани и муслимани ги споделуваат своите чисто човечки односи. Кога градат куќи, на свадби и погреби, при собирање средства за луѓе во неволја, си помагаат во земјоделството. Христијани и муслимани заедно ги прославуваат заедничките празници како Велигден, Божик, Рамазан Бајрам, Курбан Бајрам и многу други поврзани со традиционалниот културен календар на општината“, објасни презентерот пред младите.