Модерни песни на бугарски и англиски јазик во „Бургас и морето“ за млади изведувачи

Десет млади изведувачи ќе влезат во конкуренција на најновиот формат за бугарска авторска музика „Бургас и море“. Нив ќе ги оценува меѓународно жири во кое членуваат некои од најголемите италијански имиња во музичката индустрија. “Нашата цел е да најдеме барем еден уметник кој ќе им се допадне на младите”, коментира доцент  Даријана Куманова, која исто така е дел од жирито.

„Најдоброто е што песните се во толку различни стилови и жанрови што ќе има по нешто за секој вкус, така да се каже. Има балади, има поп музика, има рок музика. Немавме претензии за јазикот и им се  даде можност на сите да напишат песна, на јазикот коj најмногу им се допаѓа. Ќе има песни на англиски и бугарски, немаме друг јазик засега. Мислам дека во првиот избор ги избравме најдобрите. Требаше да бидат 12, но на крајот избравме 10, бидејќи тоа беа песните што најмногу ни се допаднаа“, истакна Куманова.

Продуцентот на Ерос Рамацоти и кастинг директорот на „Гласот на Италија“ се меѓу имињата што влегуваат во жирито на новиот формат на „Бургас и морето“ за млади изведувачи. Регрутирањето на младите таленти и кастингот беше извршено веќе во зимскиот период, а финалната натпреварувачка вечер ќе се одржи денеска, во 19 часот, во гледалиштето „Тончо Русев“ при Народниот театар за култура.

Специјален музички рецитал на „Бургас и морето за млади изведувачи“ ќе изведе италијанската поп ѕвезда Давиде Локатели, кој ќе биде и дел од жирито на натпреварот за млади музички таленти. На сцената ќе се качи и младата сензација Елма, која е Бугарка, но живее и работи во Италија. Таа има само 17 години, но според доцент Даријана Куманова, многу наскоро сите ќе знаат за неа.

Фото: БНР